Освен дисплејот со бројчаник, поставени се и празни училишни столчиња, а со големи букви на платото пред влезот во зградата стои натпис: „Отворете ги школите што е можно побрзо“
УНИЦЕФ во седиштето на ОН во Њујорк, каде што се одржува генералната дебата на светските лидери, како дел од сесијата на Генералното собрание на ОН, постави дисплеј со бројач на кој во секоја секунда се менуваат бројките за да предупреди дека децата ширум светот досега загубиле, според податоците, вкупно 1,8 билион училишни часа поради пандемијата и мерките за затворање.
Претставниците на сите делегации што доаѓаат на Генералното собрание на ОН минуваат покрај дисплејот што ги брои изгубените часови, со порака „Нема време за губење“.
Поставени се и празни училишни столчиња, а со големи букви на платото пред влезот во зградата стои натпис: „Отворете ги школите што е можно побрзо“.
На овој начин УНИЦЕФ ги повикува владите да ги отворат училиштата.
Централниот дел од инсталацијата е направен така што изгледа како табла во празна училница, и се наоѓа пред зградата на Генералното собрание.
Часовникот е бројач во реално време, што покажува зголемен кумулативен број часови за учење што секој ученик во светот го изгубил и продолжува да го губи од почетокот на пандемијата.
Празната училница се состои од 18 клупи, по една за секој месец, колку што трае прекинот предизвикани од пандемијата.