Сега тој очекува значителни последици бидејќи стотици илјади луѓе се блокирани обидувајќи се да стигнат до францускиот главен град
Според францускиот премиер Габриел Атал, саботажата извршена на клучните делови на француската железничка мрежа пред Олимписките игри имала јасна цел – да ја блокира мрежата на брзи возови.
Атал вели дека „вандали“ стратегиски ги нападнале главните рути од север, исток и запад кон Париз, неколку часа пред свеченото отворање на Олимпијадата.
Сега тој очекува значителни последици бидејќи стотици илјади луѓе се блокирани обидувајќи се да стигнат до францускиот главен град.
Француската брза железничка мрежа беше погодена од координирани злонамерни дејствија, вклучително и од подметнати пожари кои предизвикаа големо нарушување на некои од најпрометните железнички линии.
Од државниот железнички оператор, СНЦФ (SNCF), соопштија дека пожарите биле запалени на инсталации вдолж линиите што го поврзуваат Париз со западниот, северниот и источниот дел на земјата.
Сето ова се случува на неколку часа пред официјалното отворање на Олимписките игри 2024 кои се одржуваат во француската престолнина.