По одржана седница на Централниот одбор на партијата, ЛДП соопшти дека донеле неколку заклучоци во однос на францускиот предлог, односно информацијата за содржината на предлог преговарачката рамка за пристапните преговори на Република Северна Македонија со Европската Унија, предложена од страна на претседателството на Франција со советот на Европска Унија. Од објавените заклучоци на ЛДП може да се разбере дека насоките за двајцата пратеници од нивните редови, Моника Зајкова и Бобан Мојсовски, се тие да гласаат „за“ на собраниската седница.
Во соопштението од ЛДП се наведува дека поаѓајќи од стратешките и националните интереси за членство на Република Северна Македонија во ЕУ, ЛДП недвосмислено се залага за целосно полноправно членство на нашата земја во Европската Унија, со сите свои културни, јазични, историски и идентитетски особини, како и сите други 27 земји членки на Унијата. Од ЛДП додаваат дека Владата на Република Северна Македонија треба да ги продолжи разговорите со Европската Унија со цел да се деблокираат евроинтеграциските процеси, а по партискиот состанок утврдиле и повеќе заклучоци во однос на францускиот предлог.
„ЛДП смета дека од преговарачката рамка мора да се изостават сите евентуални билатерални прашања наметнати од Бугарија и секој обид за вметнување такви прашања е неприфатливо и ЛДП нема да поддржи било каков напор од таква природа.
За ЛДП, билатералните записници (протоколи) кои ги потпишуваат Република Северна Македонија и Република Бугарија ќе бидат обврзувачки за двете држави, не смеат да се однесуваат на евроинтегративниот процес и сите прашања мора да се усвојат со апсолутен консензус, билатерален, и домашен.
ЛДП се залага на првата Меѓувладина конференција да се усвои преговарачката рамка, со што ќе почнат пристапните преговори, скрининг процесот, а потоа и отворање на поглавјата.
Бараме од Владата на Република Северна Македонија континуирано да го информира Собранието на Република Северна Македонија за конечната усогласена Преговарачка рамка и другите документи кои што ги усвојува Советот на ЕУ, како и за целиот процес“
се наведува во заклучоците од ЛДП.
Иако нема прецизно јасен став дали се „за“ или „против“ предлогот, заклучоците на ЛДП се практично содржани во оние на владејачкото мнозинство што вчера ги соопшти СДСМ.
„Собранието на Република Северна Македонија, поаѓајќи од стратешките и националните
интереси за членство на Република Северна Македонија во ЕУ, ја задолжува Владата на
Република Северна Македонија, да ги продолжи разговорите со Европската Унија со цел
да се деблокираат евроинтеграциските процеси и да се усвои Преговарачката рамка со
вградени европски принципи и стандарди, како и Копенхагенските критериуми за
членство, согласно со спецификите и постигнатите резултати на Република Северна
МакедонијаСе задолжува Владата на Република Северна Македонија, преку државната делегација за
преговори со ЕУ, Секретаријатот за европски прашања, Министерството за надворешни
работи и експертскиот преговарачки тим доследно да се придржува кон определбата за
безусловно почитување на јазичните, идентитетските, историските и културните
особености на Македонскиот народ, како елементи за кои не се преговара со Европската
унија. Преговорите да се водат на рамноправна и принципиелна основа, почитувајќи ги
нормите на меѓународното право, со безрезервно почитување на достоинството и
посебноста на Македонскиот народ, како и во целосна согласност на Резолуцијата усвоена
од Собранието на Република Северна Македонија, на 29 јули 2021 година.Се задолжува Владата: во Преговарачката рамка, Македонскиот јазик да биде наведен без било какви
се дел од заклучоците кои ги објави СДСМ.
објаснувања, додавки или фусноти, билатералните прашања поврзани со билатералните договори за добрососедските односи кои не се директно поврзани со правото на ЕУ и со Копенхашките критериуми за
членство да не бидат одредници од кои ќе зависи отворањето и затворањето на поглавјата
и кластерите во текот на пристапните преговори со Европската унија и Преговарачката рамка да се усвои веднаш на почетокот на пристапните преговори со ЕУ, како и За одржувањето на првата Меѓувладина конференција за отворање на пристапните преговори и скрининг процесот и следната Меѓувладина конференција за комплетирање на отворачката фаза на преговорите, согласно предлогот на Француското претседателство со ЕУ, да се донесат одлуки веднаш за да истите не зависат од донесување на
дополнителни одлуки од страна на земјите членки“