Истрагата ја води специјалната единица за заштита на малолетници
Властите во Париз ја истражуваат смртта на тригодишното девојче кое било пронајдено во машина за перење во станот на нејзиното семејство, соопштија обвинителите.
„Во петокот беше отворена истрага за причините за смртта, откако во четвртокот вечерта беше откриено детето во североисточниот дел на Париз“,
соопшти париското обвинителство.
Истрагата ја води специјалната единица за заштита на малолетници.
Обвинителството не соопшти повеќе детали и не го потврди пишувањето на дневниот весник „Ле Паризиен“ дека девојчето било пронајдено живо во машина за перење од страна на нејзиниот татко и уште еден член на семејството, а еден час подоцна починало во брзата помош.