Меѓу загинатите, како што пренесува „Гардијан“, имало и мало дете, а според службите за управување со итни случаи уште 43 лица се повредени во пожарот
Нaјмалку 63 лица загинаа во пожар што избувна утрово во зграда во Јоханесбург, нјаголемиот град во Јужна Африка, соопштија тамошните служби за итни случаи, јавува Би-би-си.
Меѓу загинатите, како што пренесува „Гардијан“, имало и мало дете, а според службите за управување со итни случаи уште 43 лица се повредени во пожарот.
Зградата во која избувнал пожарот е евакуирана, а портпаролот на спасувачките служби Роберт Мулауџи, изјавил дека операцијата за пребарување на местото и справување со ситуацијата е во тек. Според него, бројот на загинати најверојатно ќе расте, а засега не е познато што го предизвикало пожарот.
Few people had a chance in this Johannesburg building, to be honest ??. #Johannesburgfire pic.twitter.com/LaOiJB3nG1
— Lethabo (@MandelaLetters) August 31, 2023
Во внатрешноста на петкатната зграда, како што изјавил Мулауџи, се наоѓала „неформална населба“.
„Има многу неформални структури внатре во зградата, Има многу остатоци што треба да ги отстраниме“,
ја пренесува „Гардијан“ изјавата на портпаролот.
Властите соопштија дека пожарот во голем дел е изгаснат, но од поцрнетата зграда во центарот на Јоханесбург сè уште излегува чад.
На телевизиските снимки се гледаат противпожарни и возила на итната помош пред зградата која е опколена со бројни полициски екипи.
BREAKING: At least 38 people dead, more than 40 injured after building fire in Johannesburg, South Africapic.twitter.com/zS2GA0ucKK
— BNO News (@BNONews) August 31, 2023
Како што јавува локалната новинска организација „Тајмс лајф“, станува збор за четврта „постара зграда“ во Јоханесбург која е зафатена од пожар во последните месеци. Претходно во август се запали горниот кат на зграда во предградието Јеовил, во близина на централната деловна област, додека во јуни две деца загинаа во пожар во Хилбороу, додека во јули пожар избувна по експлозија на гас.