Елиф Елмас постигна гол кој се покажа решавачки за победа на неговиот Наполи против Аталанта во Бергамо. Мечот заврши со 2-1 за тимот на Елмас.
Македонскиот репрезентативец го постигна голот во 37. минута при резултат 1-1.
Елмас по подолг период доби шанса да настапи во првите единаесетмина за Наполи и врати со гол.
,,Бев малку изненаден бидејќи не сум играл долго време, но секогаш сум подготвен да му помогнам на тимот. Кога на тимот му треба, подготвен сум и секогаш ќе давам сè од себе, до последен момент. Ова беше тежок период за мене, му благодарам на тренерот за довербата што ми ја даде. Среќни сме со освоените три бода, се надеваме дека ќе продолжиме да победуваме, особено за нашите навивачи”,
изјави Елмас по натпреварот.
Со новите три бода, Наполи има вкупно 35 и се зацврсти на водечкото место во Серија А по 13 одиграни натпревари.
Much needed goal for Elmas 🔥
— Football Macedonia (@MacedonianFoot_) November 5, 2022
pic.twitter.com/MHHvimBUtl