Станува збор за папските апартмани во Апостолската палата, кои иако наменети за престој на папата, беа неискористени за време на понтификатот на папата Франциск. Од неговиот избор во 2013 година, сè до неговата смрт, тој живееше во гостинската куќа Каса Санта Марта во близина на базиликата Свети Петар во Ватикан
Ватикан објави дека е запечатена официјалната резиденција на папата Франциск.
Станува збор за папските апартмани во Апостолската палата, кои иако наменети за престој на папата, беа неискористени за време на понтификатот на папата Франциск. Од неговиот избор во 2013 година, сè до неговата смрт, тој живееше во гостинската куќа Каса Санта Марта во близина на базиликата Свети Петар во Ватикан.
Папските апартмани во Апостолската палата беа запечатени со црвена лента од стана на кардиналот Кевин Фарел.
Овој чин го означува почетокот на периодот „sede vacante“ – термин кој често се користи во однос на празните папски места што се јавуваат по смртта или оставката на папата.
Претходно денеска беше ажурирана и официјалната веб-страница на Светата Столица, одразувајќи ја смртта на папата Франциск.
Сега пишува „Apostolica Sedes Vacans“, што во превод од латински значи „Апостолската столица е празна“. До вчера таму беше објавена слика од папата и информации поврзани со неговото раководство.