Весникот „Белфаст телеграф“ објави фотографии од запалено полициско оклопно возило погодено со молотов коктел, како и од опожарени полициски и приватни автомобили и трактор
Стотици демонстранти нападнале полицајци и запалиле возила на голем број локации низ Северна Ирска откако во јавноста се прошири видео од напад со нож кој, како што пишуваа светските медиуми, го извршил имигрант од Судан, а во кој едно лице доби сериозни повреди на вратот и главата.
Ројтерс пишува дека маскирани млади луѓе синоќа се собрале на неколку места низ Белфаст, а полицијата одговорила со распоредување оклопни возила. Демонстрантите запалиле голем број возила низ градот, вклучително и автобус во Источен Белфаст.
Belfast riots : Immigrant family rescued by Police after rioters set their house and car on fire while the family was still inside.
— DOZA🧐 (@lil_doza) June 10, 2026
This is an attempted murder.
Those poor kids will live that trauma. pic.twitter.com/65sT40l9r2
Би-би-си објави дека толпа од 100 мажи удирале во врати и кршеле прозорци на домови на улица во Источен Белфаст, притоа извикувајќи повици „да се избркаат странците“.
Весникот „Белфаст телеграф“ објави фотографии од запалено полициско оклопно возило погодено со молотов коктел, како и од опожарени полициски и приватни автомобили и трактор.
Медиумите објавуваат и дека бил запален и супермаркет во кој се продавале производи од Блискиот Исток, а турска берберница била нападната во Баликлер.
Според денешното издание на весникот, жители од источниот дел на Белфаст биле евакуирани поради пожар.
Од Противпожарната служба велат дека синоќа била повикана на 62 инциденти, повеќето од нив во областа на Белфаст. Нереди имало и на други места во Северна Ирска, вклучувајќи ги Њутаунаби и Портадаун.
🇬🇧 ROYAUME-UNI : Des émeutes éclatent ce soir à #Belfast, en Irlande du Nord, des maisons et des véhicules sont incendiés et des voitures de la police attaquées, lors de manifestations appelées par l'extrême droite après une tentative de décapitation en pleine rue, perpétrée par… pic.twitter.com/SN8kSnFh7M
— Infos Françaises (@InfosFrancaises) June 9, 2026
Првата министерка на Северна Ирска, Мишел О’Нил, вели дека не може да има изговор и никакво оправдување за овие напади додавајќи дека групите маскирани лица што ги палат домовите не се ништо помалку од „одвратен кукавичлук“.
Министерката за правда на Северна Ирска, Наоми Лонг, ги обвини крајнодесничарските онлајн агитатори за поттикнување расни тензии по нападот со нож.
„Вчера го видовме напливот на социјалните медиуми од коментаторите од крајната десница кои очигледно се обидуваа да поттикнат расни тензии, градејќи го врз наративот што го имаат околу имиграцијата“,
вели таа за Би-би-си.
Полицијата вели дека осомничениот Суданец влегол во Северна Ирска преку ирската граница во февруари 2023 година, откако долетал во Даблин од Париз. Тој побарал азил и му е одобрена дозвола за престој во Велика Британија до 2028 година.