Торнадото што ја погоди американската сојузна држава Мисисипи предизвика уништување во неколку рурални градови, каде што беа урнати дрвја и далноводи, а беа забележани прекини на електрична енергија во домовите на десетици илјади луѓе
Најмалку 23 лица загинаа откако торнадо ја зафати американската сојузна држава Мисисипи вечера вечер, јавуваат светските медиуми.
Според информациите, се верува дека неколку луѓе се заробени под урнатините на уништените згради.
Торнадото предизвика уништување во неколку рурални градови, каде што беа урнати дрвја и далноводи, а беа забележани прекини на електрична енергија во домовите на десетици илјади луѓе.
Неколку други јужни американски држави, исто така, се подготвени во очекување силното невреме.
Град со големина на топче за голф и обилен дожд е забележан на неколку локации во сојузната држава Мисисипи.
Сè уште не е јасно дали едно или неколку торнада ја погодиле областа. Иако вчера Националната метеоролошка служба предупреди дека се предвидуваат неколку торнада, можно е уништувањето да е предизвикано од „скокачко торнадо“, т.н. извртувач што се издига од површината на земјата за повторно да ја допре земјата.
Жителите на Ролинг Форк, мал град во западниот дел на Мисисипи, изјавија дека торнадото ги однело прозорците во нивните домови. Штетите во таа област, како што се соопштува, се особено големи.
Ролинг Форк и околината имаат широки полиња со памук, пченка и соја и езерца со сом. Службите за итни случаи отворија речиси десетина засолништа во областа.
Гувернерот на Мисисипи, Тејт Ривс, во објава на Твитер во петокот вечерта рече дека екипите за потраги и спасување се активни и дека официјалните лица испраќаат повеќе возила за итни случаи во погодените области.
At least twenty three Mississippians were killed by last night’s violent tornados. We know that many more are injured. Search and rescue teams are still active.
— Governor Tate Reeves (@tatereeves) March 25, 2023
The loss will be felt in these towns forever. Please pray for God’s hand to be over all who lost family and friends.