Илјадници поддржувачи се собраа на церемонија во северозападниот ирански град Табриз за да се простат од жртвите, објавија државните медиуми
Во Иран започна првата од неколкуте планирани погребни церемонии за претседателот Ебрахим Раиси, министерот за надворешни работи Хосеин Амирабдолахиан и другите жртви од хеликоптерската несреќа која се случи во неделата.
Илјадници поддржувачи се собраа на церемонија во северозападниот ирански град Табриз за да се простат од жртвите, објавија државните медиуми. Табриз е главен град на иранската провинција Источен Азербејџан, каде што се случи несреќата.
На видеата споделени од иранските новински агенции се гледа толпа луѓе околу отворениот камион што ги носи ковчезите со мртвите тела и се движи бавно.
Footage from Iranian President Ebrahim Raisi’s funeral in Tabriz pic.twitter.com/wBQrdCaOKo
— NEXTA (@nexta_tv) May 21, 2024
Толпата се турка околу камионот додека луѓето се обидуваат да ги стават рацете на ковчегот на Раиси и другите жртви.
Според новинската агенција Тасним, во толпата бил и министерот за внатрешни работи Ахмад Вахиди.
Планирани се дополнителни церемонии на жалост во верскиот центар Ком, како и во главниот град Техеран.