Тие на платото пред УКИП палат свеќи и се потпишуваат во книгата на жалост
Со седумминутен молк точно напладне почна собирот на студентите и учениците од средните скопски училишта пред платото на Универзитетот „Свети Кирил и Методиј“ (УКИМ) во Скопје, каде денеска се одржува заеднички час во знак на почит на жртвите од пожарот во дискотеката во Кочани.
Ниту дождот не ги спречи студентите и учениците да стигнат до Универзитетот и да учествуваат на настанот со кој се изразува солидарност на семејствата на загинатите и почит на жртвите.
Тие на платото пред УКИП палат свеќи и се потпишуваат во книгата на жалост.
На настанот присуствува и министерката за образование, Весна Јаневска.
Од Универзитетско студентско собрание најавуваат дека заедничката настава и собирите ќе продолжат секој ден сè до 21 март, а во однос на локациите и времето на собирите дополнително ќе информираат.
Од видеата што ги испраќа екипата на „360 степени“, која се наоѓа на местото на настанот се гледа дека целото плато на Универзитето е полно со студенти и ученици.
Во Продолжение погледнете ги фотографиите од собирот на студентите на УКИМ:
