Демонстрантите ја нападнаа полицијата по говорот на францускиот министер за внатрешни работи Жералд Дарманин, кој рече дека осомничениот за нападот на курдскиот центар очигледно целел на странци и дека допрва треба да се утврди дали целта на нападот биле всушност Курдите
Насилство избувна за време на протестите на курдската заедница во Париз, чиј културен центар денеска беше место на напад во кој загинаа три лица.
Демонстрантите ја нападнаа полицијата по говорот на францускиот министер за внатрешни работи Жералд Дарманин, кој рече дека осомничениот за нападот на курдскиот центар очигледно целел на странци и дека допрва треба да се утврди дали целта на нападот биле всушност Курдите.
Припадниците на полицијата за да ги разбијат демонстрациите возвратија со солзавец.
PARIS: Des violences éclatent sur les lieux de la fusillade, qui a fait 3 morts, lors d’une manifestation de la communauté kurde. Les policiers sont pris pour cible après l’allocution de Gérald Darmanin et répliquent en utilisant des grenades lacrymogènes.pic.twitter.com/GJMA9j6Q3E
— Infos Françaises (@InfosFrancaises) December 23, 2022
Претходно денеска на истата улица се случи напад кога 69-годишен маж пукал врз група луѓе во Курдскиот културен центар „Ахмет-Каја“ на улица во 10-от париски арондисман.
Напаѓачот е уапсен, а францускиот министер за полиција додал дека напаѓачот бил спортски стрелец и имал дозволи за неколку оружја.
Макрон: Француските Курди биле цел на „грозоморен“ напад
Францускиот претседател Емануел Макрон во врска со пукањето во центарот на Париз изјави дека француските Курди биле цел на „грозоморен“ напад, упатувајќи сочувство до семејствата на жртвите и поддршка за повредените.
„Француските Курди се цел на грозоморен напад во срцето на Париз. Нашите мисли се со жртвите, луѓето кои се борат за своите животи, нивните семејства и најблиските“,
напиша Макрон на Твитер.