fbpx
Свет

(ФОТО+ВИДЕО) Три лица загинаа, а четворица се повредени во пукање во Париз

360степени | 23 декември, 2022 14:06

Францускиот весник „Паризиен“ објави дека напаѓачот е 69-годишен маж кој пукал врз група луѓе во Курдскиот културен центар „Ахмет-Каја“ на улицата на улица во 10-от париски арондисман. Полицијата го уапсила наводниот напаѓач и му го запленила оружјето веднаш по пукањето. Според извештаите на француските медиуми, осомничениот бил француски државјанин и пензиониран кондуктер

Три лица загинаа, а четворица се ранети, од кои двајца се во критична состојба по пукање во центарот на Париз, јавија француските медиуми, пренесе „Гардијан“.

Фото: EPA-EFE/TERESA SUAREZ

Францускиот весник „Паризиен“ објави дека напаѓачот е 69-годишен маж кој пукал врз група луѓе во Курдскиот културен центар „Ахмет-Каја“ на улицата на улица во 10-от париски арондисман.

Фото: EPA-EFE/TERESA SUAREZ

Полицијата го уапсила наводниот напаѓач и му го запленила оружјето веднаш по пукањето. Според извештаите на француските медиуми, осомничениот бил француски државјанин и пензиониран кондуктер.

Сè уште не се знае ништо за мотивите за нападот.

Отворена е истрага за убиство, намерно убиство и тешко насилство, изјави портпаролот на обвинителството.

Мажот, како што пишува „Паризиен“, штотуку бил ослободен од затвор откако претходно во 2021 година со сабја нападнал центар за мигранти во 12-от арондисман на Париз. Според информациите што ги објави весникот, овој човек бил под судски надзор и му било забрането да поседува оружје.

Париската полиција на Твитер објави дека е во тек полициска операција и побара од луѓето да ја избегнуваат областа во која беше пукано, а која е блиску до голем број прометни трговски улици.

©2024 360 степени, Сите права се задржани