Македонија поведе по пеналот што го изнуди Миовски. Ударот од белата точка го изведе Барди во 43. минута
Македонија по првото полувреме во последниот меч од овој квалификациски циклус, води со 1:0 против Англија.
Англија доминираше во поседот во првиот дел, а Македонија само неколку пати успеа да мине на противничкиот дел од теренот.
Најблиску до гол беше Деклан Рајс кој во 14. минута ја погоди стативата.
Македонија поведе по пеналот што го изнуди Миовски. Ударот од белата точка го изведе Барди во 43. минута. Англискиот голман Пикфорд го одбрани, но одбиената топка се врати кај капитенот на македонската репрезенатција, кој не пропушти да ја реализира втората шанса.