Откако ја запалил куќата на жената која претходно ја убил, вооружениот напаѓач отишол во универзитетската болница во Медицинскиот центар во Ротердам, каде влегол во училница и смртно застрелал 46-годишен наставник
Холандската полиција соопшти дека денеска во вооружен напад во градот Ротердам 32-годишен маж, на две локации, убил две лица, а едно е повредено.
Триесет и двегодишниот осомничен, кој бил студент на Универзитетот Еразмус, во кој е сместена и универзитетската болница, смртно застрелал 39-годишна жена што живеела во неговото соседство и тешко ја повредил нејзината 14-годишна ќерка, соопшти полицијата на прес-конференција, пренесува Ројтерс.
„Откако ја запалил куќата на жената, вооружениот напаѓач отишол во универзитетската болница во Медицинскиот центар во Ротердам, каде влегол во училница и смртно застрелал 46-годишен наставник“,
велат од полицијата.
BREAKING FOOTAGE: A 32-year-old gunman dressed in combat gear opened fire in a hospital in the Dutch city of Rotterdam, killing and wounding an unknown number of people and setting the facility ablaze
— Insider Paper (@TheInsiderPaper) September 28, 2023
READ: https://t.co/TeIvRTRHm9pic.twitter.com/JWWj1FR4dG
Полицијата соопшти и дека тој запалил пожар во болницата, пред да биде уапсен во близина на болницата по второто пукање.
🔥 DRINGEND: Enorme brand uitgebroken in een lokaal van #ErasmusMC! Beelden zijn schokkend 🎥.
— Dr. Avinash Dinmohamed (@ADinmohamed) September 28, 2023
Hulpdiensten zijn ter plekke. Blijf uit de buurt en zorg voor elkaar, #Rotterdam!
Erasmus MC pic.twitter.com/OW0NS3uh7u
„Бевме шокирани од овој ужасен инцидент. Се пукало на две различни места во градот. Многу луѓе беа сведоци на тоа. Емоциите во градот се многу високи. Моето сочувство за жртвите “,
рече градоначалникот на Ротердам Ахмед Абуталеб.
Главниот обвинител во Ротердам Хуго Хиленар, како што пренесува Ројтерс, рекол дека осомничениот им биле познат на органите на прогонот и во 2021 година бил гонет и осуден за злоупотреба на животни.
#Rotterdam #ErasmusMC #Schietpartij Beelden van binnen in het EMC pic.twitter.com/IGPxYN2Jy4
— Dylano van Klaveren (@DylanOwner1) September 28, 2023
На видеата објавени на интернет се гледа како полицијата им дава упатства на студентите, некои облечени во медицински наметки, да трчаат надвор додека вооружени екипи за апсење пристигнале на местото на настанот.
Полицијата соопшти дека нема индиции за втор стрелец.
Холандската полиција побара помош од сите оние кои биле сведоци на пукањето.
„Ако имате слики од инцидентите со пукање во Ротердам попладнево може да ги поставите на нашата веб страница“,
се вели во објавата на полицијата.
Исто така, оттаму имаат објавено и телефонски линии на кои можат да се јават сите оние кои биле сведоци на пукањето и кои сакаат да дадат информации за истрагата.