До општината пристигнуваат пријави за поплавени подруми, станови и живеалишта
Градоначалникот на Општина Центар Горан Герасимовски, заедно со општинските служби вечерва се на терен, каде извршија увид во состојбата и санираа дел од штетите од невремето во Општина Центар.
На неколку локации има паднати покриви, паднати дрва и искршени гранки. До општината пристигнуваат пријави за поплавени подруми, станови и живеалишта.
„За утре наутро свикав состанок на општинскиот Штаб за заштита и спасување, на кој ќе ги договориме наредните чекори. Вечерва сме на терен, во комуникација сме со надлежните и помагаме онаму каде што можеме“,
изјави Герасимовски.
На состанокот на општинскиот Штаб за заштита и спасување ќе се дискутира за штетата настаната во општина Центар од денешното невреме и за наредните чекори што општината ќе ги преземе во соработка со останатите надлежни институции.