Според достапните информации, се разгледуваат две главни сценарија. Според првото сценарио, проектилот долетал на територијата на Белорусија слично како неодамнешниот инцидент во Полска кога проектилот не полетал во посакуваната насока. Друго сценарио е дека проектилот бил намерно насочен кон белоруска територија и бил соборен од белоруската противвоздушна одбрана
Ракета истрелана од украинскиот ракетен систем С-300 падна денеска на територијата на Белорусија меѓу 10 и 11 часот по локално време, јавува белоруската државна новинска агенција Белта. Белорускиот лидер Александар Лукашенко веднаш бил информиран за инцидентот. Согласно неговите упатства, екипа од вработени во Истражната комисија и Министерството за одбрана набрзина ги истражува причините за несреќата.
Belarusian Ministry of Defense says parts of Ukrainian S-300 have fallen near Ivanava town of Brest region https://t.co/HbWq1e6Lyq pic.twitter.com/KuLLhXDX2n
— Liveuamap (@Liveuamap) December 29, 2022
Според достапните информации, се разгледуваат две главни сценарија. Според првото сценарио, проектилот долетал на територијата на Белорусија слично како неодамнешниот инцидент во Полска кога проектилот не полетал во посакуваната насока. Друго сценарио е дека проектилот бил намерно насочен кон белоруска територија и бил соборен од белоруската противвоздушна одбрана.
Белта објави дека проектилот што паднал во Белорусија дошол од украинска територија. Агенцијата објави и фотографија на која, како што се тврди, се гледаат делови од ракета С-300 на празно земјоделско поле.
На местото на настанот се присутни вештаци од Истражната комисија, МВР и Министерството за одбрана. Се уште нема информации за жртви, а украинските власти не ги коментираа наводите дека станува збор за нивна ракета.
Во ноември, проектил, истрелан од украинската противвоздушна одбрана, падна во Полска поради жестоките руски напади врз Украина. Противвоздушните ракети со долг дострел С-300 датираат од советската ера, а ги користат и украинската и руската армија, пишува Скај њуз.
Киев го користеше системот С-300 за пресретнување на дојдовните руски ракети, додека Русија се шпекулираше дека користи пренаменети ракети С-300 за да напаѓа цели на земјата. Воените аналитичари претпоставуваат дека таквото пренаменување на ракетите би било јасен знак дека резервите на Русија се намалуваат.
Белорусија ѝ дозволи на Москва да ја користи нејзината територија за да изврши инвазија на Украина во февруари, но инсистираше на тоа дека не била вклучена во војната.