Како лупа, овој феномен прави светлината што доаѓа од далечните галаксии да изгледа многу поблиску отколку што е
Вселенскиот телескоп „Џејмс Веб“ на НАСА сними совршена слика од феноменот „Ајнштајнов прстен“, кој е оддалечен 12 милијарди светлосни години од Земјата.
„Ајнштајновиот прстен“ е феномен кој се јавува кога светлината од некоја галаксија или ѕвезда поминува покрај голем објект на пат кон Земјата. Поради гравитационата леќа, светлината се пренасочува и се чини дека доаѓа од различни места.
Ако изворот на светлина, леќата и набљудувачот се во совршено усогласување, таа светлина се појавува како прстен – што е случај на фотографијата подолу.
Stunningly perfect ‘Einstein ring’ captured by James Webb Space Telescope https://t.co/A78gy096QI pic.twitter.com/yJF4EKNljl
— SPACE.com (@SPACEdotcom) September 5, 2022
Овој чуден феномен е сличен на начинот на кој стаклените леќи ја пренасочуваат светлината. Како лупа, овој феномен прави светлината што доаѓа од далечните галаксии да изгледа многу поблиску отколку што е. Единствената разлика е во тоа што леќата е направена од искривена простор-временска гравитација.
Според општата теорија на релативноста на Ајнштајн, гравитацијата е резултат на масивни објекти кои ја искривуваат самата структура на универзумот (предизвикувајќи дисторзија во време-просторот, што се чувствува како гравитација). Во случајот со „Ајнштајновиот прстен“, светлината од далечната галаксија се витка околу друга – предизвикувајќи искривување.
The @NASAWebb telescope has captured a perfect “Einstein ring” (created by gravitational lensing) of the galaxy SPT-S J041839-4751.8, which is located about 12 billion light-years away. pic.twitter.com/R6RVyW5DQ2
— Mario Livio (@Mario_Livio) August 30, 2022
Снимката ја направи дипломиран студент по астрономија со помош на податоците собрани од Средниот инфрацрвен инструмент (МИРИ) на вселенскиот телескоп Џејмс Веб на НАСА, пренесува „Спејдотком“.
Претходниот вселенски телескоп на НАСА „Хабл“ исто така неколку пати го сними феноменот на „Ајнштајновиот прстен“, но ниту еден не беше толку целосен и јасно видлив како овој на сликата.
Stunning ‘Einstein Ring’ formed by light from a distant galaxy spotted 12 billion light-years from our planet by NASA’s James Webb https://t.co/LT6Lyu3OV0
— Daily Mail Online (@MailOnline) August 30, 2022