Германскиот претседател, како што информираа од ЕСМ, ги разгледал ветерниците и се запознал со активностите од втората фаза на ветерниот парк за поставување дополнителен број ветерници и зголемување на инсталираната моќност на капацитетот, која е во тек
Претседателот на Германија Франк-Валтер Штајнмајер, кој е во неколкудневна посета на земјава, денеска го посети ветерниот парк во Богданци – електрана од обновливи извори изградена со финансиска поддршка преку кредитна линија на германската државна КФВ банка.
Во ветерниот парк Штајнмајер беше пречекан од генералниот директор на АД ЕСМ, Васко Ковачевски, кој за време на средбата на германскиот претседател му подари филигран од стариот Камен мост во Скопје.
Германскиот претседател, како што информираа од ЕСМ, ги разгледал ветерниците и се запознал со активностите од втората фаза на ветерниот парк за поставување на дополнителен број ветерници и зголемување на инсталираната моќност на капацитетот, која е во тек.
„И втората фаза од проектот е овозможена со финансиска поддршка преку КФВ банката“,
посочуваат од ЕСМ.
Директорот на ЕСМ и директорот за развој и инвестиции Благој Гајдарџиски воедно го информирале германскиот претседател и за другите проекти на АД ЕСМ во чие финансирање има удел германската банка за развој и инвестиции.