Поради инцидентот, патот Струмица-Радовиш беше затворен за сообраќај околу час и половина
Шест пожарникари со две противпожарни возила ја гаснеа цистерната што утрово се запали на регионалниот пат Струмица-Радовиш.
Цистерната превезувала дизел-гориво, а пожарот настанал во 9:18 ч., во близина на селото Владевци.
Поради инцидентот, патот беше затворен за сообраќај до 10:37 ч.
„Благодарение на брзата интервенција пожарот е навремено локализиран и ликвидиран. Во случај на пожар или друга елементарна непогода повикај 193 – противпожарна единица“,
велат од Територијалната противпожарна единица – Струмица.