Ракометната федерација организираше пречек за ракометарите кои го освоија првото место на ЕХФ шампионатот со што директно се пласираа на Кадетското светско првенство догодина и Европското младинско првенство во 2024 година.
Кадетската репрезенатција дојде до златото на ЕХФ шампионатот во Рига без ниту еден пораз.
Претседателот на Ракометната федерација на Македонија (РФМ), Живко Мукаетов, ги пречека ракометарите и стручниот штаб, лично им честиташе и им посака среќа во идните настапи и натпреварувања.
“Ние сме тука за вас да работиме како Федерација, да градиме успешна приказна. Ракометот е спорт број еден во Македонија и да продолжиме да работиме како досега. РФМ ќе побара од Управниот одбор ракометарите да бидат наградени со 700 000 денари. Уште еднаш ви благодарам и ви посакувам уште многу вакви резултати и успеси“,
порача Мукаетов.