Од МВР соопштија дека нема повредени
Околу 17 часот голем пожар избил на улицата „Цветан Димов’ во населбата Чаир спроти трговскиот центар „Чаирчанка, дел кој е густо населен и со многу мали дичани еден до друг.
Огнот до овој момент, според МВР, има зафатено два дуќани – сервиси за велосипеди и мотори, една куќа и чајџилница, но нема повредени.
На терен има 8 противпожарни возила кои се справуваат со огнот, а причината за избувнувањето на пожарот се уште не е позната.
Противпожарната единица на Град Скопје, на својот Фејсбук профил објави фотографии од самото место и соопшти дека ссо навремена дојава е спречена голема катастрофа.