Универзитетот, еден од најстарите во светот, ги затвори своите згради за време на мирните протести. Студентите извикуваа „Ослободете ја Палестина“ и ја повикаа институцијата да го осуди Израел
Полицијата растера десетици демонстранти кои денеска кампуваа во дворот на универзитетот „Сорбона“ во Париз за да протестираат против војната во Газа, изјави тамошен студент. Протестите се случија три дена по протестите на елитниот универзитет „Сајнсис По“ во главниот град и следуваа по антиконфликтните собири во кампусите низ Соединетите Држави.
Универзитетот, еден од најстарите во светот, ги затвори своите згради за време на мирните протести. Студентите извикуваа „Ослободете ја Палестина“ и ја повикаа институцијата да го осуди Израел.
„Имаме секаква причина, како на ‘Јејл’, ‘Колумбија’, ‘Сајнсис По’… да го осудиме она што го гледаме дека се случува“,
рече студент кој се претстави само како Леонард, на друг собир пред влезот на „Сорбона“.
Вкупно 253 заложници беа заробени во нападот на Хамас врз јужен Израел на 7 октомври. Според израелските податоци, членовите на Хамас во нападот убиле околу 1 200 Израелци.
Израел возврати со наметнување опсада на Газа и воздушен и копнен напад. Според здравствените власти во Газа, израелската војска убила најмалку 34 488 Палестинци во тие напади.
Неколку француски политичари, вклучително и Матилда Панот, која ја предводи левичарската група пратеници на ЛФИ во Националното собрание, ги повикаа поддржувачите на социјалните мрежи да се приклучат на протестите во „Сорбона“.