Одделот за градежна инспекција во Сан Франциско потврди дека ги истражува можните прекршувања околу претворањето на канцеларискиот простор во еден вид „хотел“ за работниците на Твитер
Просториите на канцелариите на Твитер во Сан Франциско се претворени во спални соби за вработените, објави Би-би-си. Истиот медиум објави и фотографии од кревети во канцеларии и софи кои се користат како кревети. Според фотографиите, во една од конференциските сали има будилник.
На една фотографија е прикажана соба со брачен кревет, гардероба и влечки. Поранешен вработен во Твитер изјави дека новиот шеф на компанијата, Илон Маск, престојува во седиштето на компанијата откако ја купил.
„Канцелариите изгледаат како хотелски соби“,
коментира поранешен вработен за Би-би-си.
NEW: The BBC has obtained pictures of inside Twitter – rooms that have been converted into bedrooms – for staff to sleep in.
— James Clayton (@JamesClayton5) December 7, 2022
The city of San Francisco is investigating as it’s a commercial building. pic.twitter.com/Y4vKxZXQhB
Минатиот месец Маск испрати е-пошта до персоналот во кој ги предупреди дека мора да бидат „екстремно тврдокорни“ или ризикуваат да бидат отпуштени.
„Само извонредните перформанси ќе бидат задоволителни“,
напиша милијардерот во е-пошта.
Одделот за градежна инспекција во Сан Франциско потврди дека ги истражува можните прекршувања околу претворањето на канцеларискиот простор во еден вид „хотел“ за работниците на Твитер.
Маск рече дека градските власти ги напаѓаат бизнисите затоа што „обезбедуваат кревети за уморни вработени“. Маск твитна, а потоа ја избриша објавата дека ќе работи и ќе спие во канцеларија додека не се среди компанијата.
„Маск сега ги тера работниците да спијат во компанијата. Јасно е дека навистина не се грижи за луѓето кои работат за него“,
рече сенаторот од Калифорнија, Скот Винер.
Официјален претставник на градското одделение за градежна инспекција во Сан Франциско рече дека треба да се уверат дека зградата се користи како што е предвидено. Блумберг објави дека вработените во Тесла и другите компании на Маск кои работат на Твитер исто така спијат во собите на Твитер и таму имаат состаноци.