Демонстрантите пред зградата на владата кренаа транспаренти на кои пишуваше: „Не сакаме крајно десничарска Австрија“ и „Никогаш повеќе е сега“
Неколку илјади луѓе протестираа денеска во Виена против формирање влада предводена од екстремно десничарската Партија на слободата (ФПО).
Демонстрантите пред зградата на владата кренаа транспаренти на кои пишуваше: „Не сакаме крајно десничарска Австрија“ и „Никогаш повеќе е сега“.
Многу слогани беа упатени и против лидерот на ФПО Херберт Кикл како потенцијален канцелар.
Толпата ја поздрави најавата дека ФПО започнува коалициски разговори со конзервативната Народна партија (ОВП), откако преговорите меѓу главните партии пропаднаа.
ФПО победи на парламентарните избори во есента 2024 година, што е првпат од нацистичката ера тоа да ѝ успее на екстремно десничарска партија.
Откако централните партии не успеаја да постигнат договор за можни коалиции, Кикл доби мандат од претседателот Александар Ван дер Белен да се обиде да формира влада.
Протестот беше организиран од социјални и црковни групи, како и организации кои се борат за заштита на животната средина и бегалците.
Организаторите предупредија дека заканата од авторитарен напад врз демократијата, човековите права, заштитата на животната средина и социјалната кохезија се наѕира над земјата.
На протестот учествуваа и левичарски партии.
Преговорите за формирање коалициска влада ќе почнат утре.
„Прв чекор: преговори за буџетот од утре“,
објави Кикл вечерва додека демонстрантите се собираа на плоштадот меѓу кабинетот на претседателот и зградата на владата со транспаренти на кои пишуваше „Нацистите надвор“ и „Историјата се повторува“.