За состанокот на својот Твитер-налог се огласи и амбасадорката на САД во Тирана, Јури Ким објавувајќи дека се состанале да разговараат и да ги координираат приоритетите на САД на Балканот, како и оти се надева дека ова е само првиот ваков собир
Американските амбасадори во земјите од Балканот се собраа на состанок во Тирана што е прва ваква регионална конференција на шефовите на мисиите на САД во балканските држави.
Тие разговарале за приоритетите и активностите на САД во регионот, како и за регионалните и глобалните предизвици и борбата против корупцијата.
„Високи американски дипломати и амбасадори од регионот се собраа во Тирана на прва регионална конференција на шефовите на мисиите. Официјалните лица разговараа за регионалните и глобалните приоритети, вклучувајќи ја руската инвазија на Украина, енергетските можности, зајакнувањето на демократските институции и борбата против корупцијата“,
објави американската амбасада во Албанија.
1/2 Senior U.S. diplomats and Ambassadors from the region gathered in Tirana for the first-ever Regional Chiefs of Mission conference. pic.twitter.com/dMDNypbOWP
— USEmbassyTirana (@USEmbassyTirana) April 13, 2023
За состанокот на својот Твитер-налог се огласи и амбасадорката на САД во Тирана, Јури Ким објавувајќи дека се состанале да разговараат и да ги координираат приоритетите на САД на Балканот, како и оти се надева дека ова е само првиот ваков собир.
Pleased to host fellow 🇺🇸 ambassadors to 🇧🇦 🇧🇬 🇭🇷 🇬🇷 🇽🇰 🇲🇪 🇲🇰 🇷🇸 , plus @TheGEC Special Envoy Rubin & Deputy Asst Sec Escobar, to discuss & coordinate US priorities in the Balkans (I believe it’s the first such gathering to take place in 🇦🇱 Tirana) pic.twitter.com/38fZLMHtFa
— Ambassador Yuri Kim (@USAmbAlbania) April 13, 2023
Покрај амбасадорите, на состанокот присуствувале и заменик-помошникот државен секретар на САД и специјален претставник за Западен Балкан, Габриел Ескобар, и специјалниот претставник и координатор на Центарот за глобален ангажман на американскиот Стејт департмент, Џејмс Рубин, кој деновиве беше во посета на неколку земји од регионот вклучувајќи ја и Северна Македонија.
Од амбасадорите пак присутни биле: Кристофер Хил (американски амбасадор во Србија), Анџела Агелер (Северна Македонија, Марк Флеминг (Хрватска), Џуди Рајзинг Рајнке (Црна Гора), Џорџ Кунис (Грција), Кенет Мертен (Бугарија), Мајкл Марфи (БиХ) и Џефри Ховенијер (Косово).