Украинскиот претседател Володимир Зеленски вчера соопшти дека 30 отсто од електраните во земјата се уништени во руските напади од 10 октомври наваму, што предизвикало масовни прекини на струја низ целата земја
Претседателката на Европската комисија Урсула фон дер Лајен ги оцени како воени злосторства руските напади на цивилната инфраструктура во Украина, особено на електричната.
Енергетската и друга клучна инфраструктура во повеќе региони на Украина, меѓу кои и главниот град на земјата Киев, деновиве е цел на руски напади со ракети и беспилотни летала „камикаѕи“.
„Руските напади на цивилната инфраструктура, особено на електричната, се воени злосторства. Лишувањето на мажи, жени, деца од снабдување со вода, електрична енергија и греење во пресрет на зимата – ова се акти на чист терор. И ние мораме да ги наречеме со тоа име“,
напиша Фон дер Лајен на Твитер.
Russia’s attacks against civilian infrastructure, especially electricity, are war crimes.
— Ursula von der Leyen (@vonderleyen) October 19, 2022
Cutting off men, women, children of water, electricity and heating with winter coming – these are acts of pure terror.
And we have to call it as such. https://t.co/3WY743k1iH
Украинскиот претседател Володимир Зеленски вчера соопшти дека 30 отсто од електраните во земјата се уништени во руските напади од 10 октомври наваму, што предизвикало масовни прекини на струја низ целата земја.
Тој ги опиша руските напади врз инфраструктурните објекти за електрична енергија како „друг вид руски терористички напади“.
Утринава украинските власти соопштија дека нивната противвоздушна одбрана соборила 13 дронови „камикаѕи“ над Николаев.
Вчера објекти на украинската енергетска инфраструктура беа гаѓани во Киев, Харков на северот на земјата, а во експлозии во Житомир беа оштетени две енергетски постројки.
На 10 октомври руската војска почна со жестоки ракетни напади на повеќе региони во Украина, меѓу кои и врз главниот град на земјата, Киев.
Во овие напади 19 луѓе беа убиени, а ранети 105 лица.