Финалната одлука за „Европрајд“ ќе биде донесена 96 часа пред планираниот собир

Претседателот на Србија Александар Вучиќ денеска изјави дека Министерството за внатрешни работи „во согласност со Уставот и законите“ ќе донесе одлука за ЛГБТ настанот Европрајд, 96 часа пред планираниот собир.

На прес-конференцијата по седницата на Советот за национална безбедност, Вучиќ рече дека државата „нема да измислува глупости“ за да го забрани настанот поради епидемијата на мајмунски сипаници.

„Нема да си играме и да се исмеваме со нашите граѓани, да ги понижуваме луѓето кои се наши деца, наши браќа и сестри, но никогаш нема да ја разберам неверојатната неодговорност на оние кои, од една речиси неважна тема, или тема која е важно само за еден дел од општеството, направи крстоносна војна“,

рече Вучиќ.

Вучиќ воедно вели дека лично не мисли дека хомосексулаците се зло и дека не би се одрекол од Ана Брнабиќ. Според него, проблемот со парадата е тоа што еден дел од луѓето не ја чувствуваат Србија како своја држава и немаат симпатии кон неа.

На новинарско прашање за ставот на СПЦ дека хомосексуалноста е зло кое не се лечи, Вучиќ кажа дека разговарал со патријархот Порфириј и од него добил и писмо.

„Не мислам дека тој има лош однос кон луѓето. Исклучително ја ценам СПЦ, бидејќи таа е национална институција од клучно значење за опстанокот на нашите луѓе во краевите каде што нема наши институции. Што се однесува до злото, знаете што мислам за Ана Брнабиќ – Доколку тоа беше зло, таа немаше да биде овде“,

вели Вучиќ.

Вучиќ најави дека „Европрајд“ ќе биде откажан или одложен – организаторите велат оти откажувањето на настанот е противуставно

Тој повтори дека безбедносната ситуација е „тешка“ и дека државата не сака да дојде до судири.

„Можно е да има големи немири во кои нашата сила би требало да биде поголема, а ние сакаме да го избегнеме тоа“,

кажа Вучиќ.

Бројни политичари од Европа доаѓаат во Белград на „Европрајд“ и покрај тврдењата на Вучиќ дека нема да се одржи

Зборувајќи за најавите за собир на противниците на Еуропрајд, Вучиќ рече дека „иронично им се заблагодарува на сите херои“ кои, како што рече, не чекаат на премините кон Косово туку „во парковите да ги нападнат оние што се различни од нив.

„Да не зборувам колку е неморално да си даваме право да шетаме каде и кога сакаме, а да го браниме тоа на една група, како да не се наши граѓани“,

вели Вучиќ.