Според листата што ја објави Владата, настава со физичко присуство ќе има главно со училишта во руралните средини, едно државно училиште за ученици со посебни потреби и едно државно музичко училиште
Од вкупно 325 основни и 27 средни училишта, настава со физичко присуство ќе има во 223 основни училишта, 13 средни, едно државно училиште за ученици со посебни потреби и едно државно музичко училиште. Не е дадена согласност за 94 основни и на 14 средни училишта.
Според листата што ја објави Владата, настава со физичко присуство ќе има главно со училишта во руралните средини и тоа во битолско, во општините Боговиење, Босилово, Брвеница, Делчево, Демир Хисар, Кичево, Крива Паланка, Крушево, Могила, Ново Село, Охрид, Пробиштип, Ресен, Росоман, Струмица, Свети Николе, Маврово- Ростуше, Студеничани, Желино, Градско, Јегуновце, Виница, Шуто Оризари, Дојран, Кавадарци.
Делумна согласност за организирање настава со физичко присуство Владата даде за музичките училишта во Кочани, Охрид, Неготино, Струмица, Кавадарци и Скопје и за централното основно училиште во Пробиштип.
Настава со физичко присуство може да се организира и во државното основно училиште за ученици со посебни во Ново Село.
Во комисијата има членови од МОН, од Канцеларијата на прмиероти од Министерството за здравство.
Тие од 18 до 25 септември ги разгледуваа барањата од основачите на основните и средните училишта, а при одлуката се имаше предвид епидемиолошката состојба во регионите во кои се наоѓаат училиштата, вкупниот број ученици, хигиенско-санитарните услови, просторните капацитети на училиштата и други индикатори согласно усвоениот план и протоколите од Владата.
Комплетната листа на училишта каде има согласност да се следи настава со физичко присуство и оние на кои тоа не им е дозволено, може да ја погледнете тука.