Министерот за здравство во заминување, Венко Филипче, на социјалните мрежи информираше дека утринава успешно е направена операција на млада пациентка која имала проблеми со одењето.
„Утрово успешно извршивме операција врз млада пациентка, која имаше протрузија на дискус лулбалниот р’бет, што и предизвикал проблем со одењето. На моите колеги кои ми асистираа в о сала им благодарам. На пациентката и посакувам побрзо опоравување“,
се вели во Фејсбук објавата на Филипче.
Доктор Венко Филипче денеска треба да го заврши својот мандат како министер за здравство. Во Собранието на Македонија во тек е вториот ден од расправата за избор на нова Влада на мандатарот Димитар Ковачевски, а гласањето треба да се случи најдоцна до полноќ.
Ковачевски на местото на Филипче го предложи Беким Сали од Алтернатива, новиот владин коалициски партнер.