Сè уште не е позната причината за пожарот. Огнот ги зафатил покривот и горниот кат на болницата
Пожарот што вчеравечер избувна во Специјалната болница за болести на тироидната жлезда и метаболички болести „Чигота Златибор“ е локализиран во утринските часови денеска, а спасувачите евакуирале околу сто пациенти, меѓу кои и триесетина деца, јавуваат српските медиуми.
Сè уште не е позната причината за пожарот. Огнот ги зафатил покривот и горниот кат на болницата.
Директорот на болницата, Александар Симиќ, за РТС изјавил дека сите неподвижни и други пациенти се евакуирани и сместени во околните хотели. Засега е неизвесно кога болницата која прима пациенти од повеќето земји од регионот, ќе продолжи со работа.