Постигнат е договор да се препорача носење медицински или FFP2 маски на летовите од Кина. Одлуките не се обврзувачки, но се сметаат за важни упатства
Европската унија им препорачува на земјите-членки да ги тестираат патниците од Кина за коронавирус, но не успеа да се договори за задолжително тестирање.
По денешниот состанок на здравствените експерти од земјите-членки во Брисел, шведското претседателство со Советот на Европската унија соопшти дека силно ги повикува земјите од ЕУ да направат задолжително тестирање за патниците кои од Кина патуваат во Европа и тие да имаат негативен тест за коронавирус, не постар од 48 часа пред поаѓање во некоја европска држава.
Исто така, постигнат е договор и да се препорача носење медицински или FFP2 маски на летовите од Кина. Одлуките не се обврзувачки, но се сметаат за важни упатства. Мерките ќе бидат разгледани кон средината на месецот.
Според податоците објавени од Светската здравствена организација (СЗО) ниту една нова варијанта на вирусот досега не е пронајдена во Кина, со што се ублажува дел од загриженоста за инфекцијата што брзо се шири низ земјата откако Пекинг стави крај на пристапот „нулта ковид“. на пандемијата.
Мнозинството жители на Кина, 97,5 отсто, се заразени со омикронските подваријанти BA.5.2 и BF.7, објави СЗО. Тие податоци се засноваат на анализа на повеќе од 2 000 луѓе на кинескиот центар за контрола и превенција на болести.