„Нема да има ‘скратени патеки’, нема автоматизам за членство во ЕУ. Тоа мора да е базирано на заслуги. Кога велиме базирано на заслуги, тоа не значи дека само земјите кандидати мора да ги исполнат своите обврски, туку и ние мора да ја завршиме својата домашна задача за да бидеме подготвени“, рече Фон дер Лајен на прес-конференцијата по Самитот
Во завршната Декларација не се споменува 2030 година како датум за прием на нови членки во Унијата. Сепак, според претседателот на Европскиот совет, Шарл Мишел, овој датум останува како цел за проширувањето, посочувајќи дека и земјите кандидатки мора да покажат јасен напредок во спроведувањето на реформите
И земјите кандидати и Европската Унија (ЕУ) мора да работат напорно за да го задржат моментумот на процесот на проширување кон поголема Унија, порача претседателката на Европската комисија Урсула фон дер Лајен по денешниот неформален Самит на ЕУ во шпанскиот град Гранада.
Проширувањето беше една од темите на самитот во Гранада, а во завршната Декларација се наведува дека тоа преставува геостратешка инвестиција во мирот, безбедноста, стабилноста и просперитетот и е двигател за подобрување на економските и социјалните услови на европските граѓани, за намалување на разликите меѓу земјите и мора да ги потткнува вредностите на кои е основана Унијата.
Фон дер Лајен на прес-конференцијата информираше дека лидерите на ЕУ ја реафирмирале посветеноста на проширувањето, но, исто така го потврдиле и ставот дека процесот мора да се заснова на принципот на заслуги.
„Нема да има ‘скратени патеки’, нема автоматизам за членство во ЕУ. Тоа мора да е базирано на заслуги. Кога велиме базирано на заслуги, тоа не значи дека само земјите кандидати мора да ги исполнат своите обврски, туку и ние мора да ја завршиме својата домашна задача за да бидеме подготвени, доколу земјите кандидат бидат подготвени за членство, да можеме да ги примиме“,
рече претседателката на Европската комисија.
Процесот на зачленување, посочи Фон дер Лајен ќе се базира исклучиво на индивидуални заслуги и почитување на Копенхашките критериуми.
Таа најави дека на почетокот на ноември Европската комисија ќе го објави извештајот за напредокот на земјите кандидати за членство, кој ќе се разгледува на Самитот на ЕУ во декември.
Both the candidate countries and the EU must work hard to keep up the momentum on the enlargement process to a larger Union.
— Ursula von der Leyen (@vonderleyen) October 6, 2023
The Commission’s annual reports on accession will allow us to take stock and have an informed debate during the December EUCO. pic.twitter.com/LI2IAJyvEQ
Инаку, во завршната Декларација не се споменува 2030 година како датум за прием на нови членки во Унијата. Сепак, според претседателот на Европскиот совет, Шарл Мишел, овој датум останува како цел за проширувањето, посочувајќи дека и земјите кандидатки мора да покажат јасен напредок во спроведувањето на реформите.
Негов став е дека процесот на проширување мора да се забрза, бидејќи земјите кандидати, пред сè оние од Западен Балкан, премногу долго се во чекалната за членство во Унијата.
Потребата за двострана подготвеност – и од страна на ЕУ и од идните земји членки е нотирана во Деклрацијата од Гранада во делот за идното проширување.
Од претендетите за членство се бара да ги засилат своите рефорски напори, особено во областа на владеењето на правото, а во „согласност со природата на процесот на зачленување заснована на засулуги и помош од Европската Унија.
„Паралелно, Унијата треба да ги постави потребните внатрешни основи и реформи. Ќе ги поставиме нашите долгорочни амбиции и начините за нивно остварување. Ќе одговориме на клучните прашања поврзани со нашите приоритети и политики, како и со нашиот капацитет да дејствуваме. Ова ќе ја направи ЕУ посилна и ќе го зајакне европскиот суверенитет“,
се наведува во Декларацијата.