Бретон го повикал Закерберг да одговори на неговите барања во рок од 24 часа, потсетувајќи го дека може да бидат изречени казни доколку не се придржува до правилата
Комесарот за внатрешен пазар на Европската Унија, Тиери Бретон, со писмо го известил извршниот директор на „Мета“, Марк Закерберг, велејќи дека на платформите има „наплив на нелегални содржини и дезинформации“.
Тој побарал од Закерберг да биде „многу внимателен“ за да обезбеди усогласеност со правилата, да дејствува против нелегалната содржина и да употреби пропорционални и ефективни мерки за ублажување.
„Итно ве повикувам да обезбедите дека вашите системи се ефективни. Непотребно е да се каже дека, исто така, очекувам да бидете во контакт со релевантните органи за спроведување на законот и Европол и да се погрижите да одговорите навремено на сите барања“,
додава тој.
Бретон го повикал Закерберг да одговори на неговите барања во рок од 24 часа, потсетувајќи го дека може да бидат изречени казни доколку не се придржува до правилата.
Бретон го предупреди и американскиот милијардер и сопственик на социјалната платформа „Икс“ (поранешен Твитер), Илон Маск, дека платформата е преплавена со дезинформации за војната во Израел, што е спротивно на правната рамка на Европската Унија.