Тој вели дека Европејците ги зголемиле трошоците и капацитетите за одбрана и дека ЕУ мора да инвестира повеќе за европските армии да се соочат со поопасен свет
Високиот претставник на ЕУ за надворешна политика и безбедност Жосеп Борел предупреди дека Европската Унија со снабдувањето на Украина со оружје ги исцрпела своите воени резерви и додава дека ЕУ сега троши многу повеќе на одбраната, што е многу потребно.
Тој вели дека Европејците ги зголемиле трошоците и капацитетите за одбрана и дека ЕУ мора да инвестира повеќе за европските армии да се соочат со поопасен свет.
„Оваа војна беше и повик за будење за сите нас во однос на нашите воени способности. Ѝ дававме оружје на Украина, а потоа сфативме дека нашите воени резерви се исцрпени“,
напиша Борел на својот неделен блог.
Во меѓувреме, Борел на својот твитер-профил истакна дека податоците на Агенцијата за одбрана на ЕУ (ЕДА) потврдуваат дека Европејците трошат повеќе за одбрана.
„Сега мораме да трошиме повеќе на одбраната и да соработуваме повеќе за да ја поддржиме Украина, да одговориме на итните потреби и да се подготвиме за иднината“,
додаде Борел.
Борел во својот блог додава дека извештаите на ЕДА покажуваат дека минатата година е забележано рекордно ниво на инвестиции во одбраната во ЕУ – 52 милијарди евра.