Поддршка на истрагата ќе дадат и Европол и Евроџаст
Европската Унија (ЕУ) е подготвена да испрати тимови кои ќе го истражуваат масовното убиство на цивили во украинскиот град Буча и на други места, соопшти претседателката на Европската комисија (ЕК), Урсула фон дер Лајен.
Таа ваквата најава ја даде откако имала телефонски разговор со Володимир Зеленски.
„Зборував со претседателот Зеленски за свирепите убиства на цивили во Бука и на други места во Украина. ЕУ е подготвена да испрати заеднички истражни тимови за документирање на воените злосторства во координација со украинскиот јавен обвинител“,
твитна Фон дер Лајен додавајќи дека Европол и Евроџаст ќе дадат поддршка на истрагата.
I spoke with President @ZelenskyyUa about the atrocious murder of civilians in Bucha and elsewhere in Ukraine.
— Ursula von der Leyen (@vonderleyen) April 4, 2022
The EU is ready to send Joint Investigation Teams to document war crimes in coordination with the Ukrainian Prosecutor General.@Europol and @Eurojust will support.
Откако украинските власти почнаа да ги враќаат под своја контрола областите околу главниот град Киев, меѓу кои и градот Буча, наидоа на последици од масакр за кој тврдат дека го извршиле руските сили. Државниот обвинител на Украина започна истрага за можни воени злосторства и соопшти дека се пронајдени 410 тела.
Со остри реакции се јавија западните земји обвинувајќи ја Русија за воени злосторства и најавувајќи можни нови санкции.
Русија, пак, ги отфрли обвинувањата и рече дека САД и НАТО ги нарачале снимките што излегоа во јавноста за да ја обвинат руската страна. Главниот руски истражител дури издаде наредба за истрага на, како што рече, украинската „провокација“.
Photo: EPA-EFE/Robert Ghement