„Со оглед на тоа што на Христијан Мицкоски и неговата партија очигледно не им е јасно наведеното, стоиме на располагање секој нареден ден да им го објаснуваме истото“, велат од АД ЕСМ откако денеска портпаролката на ВМРО-ДПМНЕ, Марија Митева, обвини дека ЕСМ продава струја по двојно пониска цена од берзанската на трговци, кои потоа ја продаваат по берзанска цена и прават огромни профити на сметка на народот
По шести пат ќе ѝ кажеме на ВМРО-ДПМНЕ дека вишоците на струја што ги произведува државата во текот на ноќта се продаваат транспарентно и по конкурентни цени кои се диктирани од берзата, реагираат од АД ЕСМ откако портпаролката на ВМРО-ДПМНЕ, Марија Митева денеска на прес-конференција обвини дека ЕСМ продава струја по двојно пониска цена од берзанската, а дека потоа се прават огромни профити на сметка на народот.
„Со оглед на тоа што на Христијан Мицкоски и неговата партија очигледно не им е јасно наведеното, стоиме на располагање секој нареден ден да им го објаснуваме истото“,
велат од АД ЕСМ.
Од компанијата посочуваат дека вишоците на електрична енергија што ги произведува државата во текот на ноќта може да ги купи кој било – стопанство, институции, трговци.
„Оваа енергија, којашто се продава од 2 до 7 часот, на јавна објава, на јавна аукција, со транспарентна и конкурентна постапка, можеме да ја продадеме по одредени цени кои индикативно ги дава ХУПЕКС берзата, а цената се формира врз основа на добиените понуди. Понудата со највисока цена ја добива електричната енергија“,
објаснуваат од ЕСМ.
Ако не се продава вака, од компанијата посочуваат дека тогаш другата опција е вишоците на струја да се пуштат слободно во системот и да не се наплаќаат, а со тоа ЕСМ би имале нула приходи.
Претходно денеска, портпаролката на ВМРО-ДПМНЕ, Марија Митева на прес-конференција обвини дека ЕСМ продава струја по двојно пониска цена од берзанската на трговци, кои потоа ја продаваат по берзанска цена и прават огромни профити на сметка на народот.
„Имено во периодот од 30 август до 6 септември АД ЕЛЕМ распишува оглас за продажба на ноќни вишоци на струја во вкупна количина од 2 000 MW/h. Во истиот период Албанската државна енергетска компанија КЕШ исто така распишува оглас за набавка на струја за период од 29 август до 4 септември по сличен профил како тој на АД ЕЛЕМ од 2 100 MW/h“,
посочи Митева.
Таа додава дека фирмата која што се јавува како купувач на струјата од ЕСМ е ЕТМТ Енерџи, сопственост на ЕНЕРТЕЈД Албанија, на Артур Мицкај, човек од партијата на Еди Рама.
„Имено оваа фирма ја купува струјата по цена од 337 евра по MW/h од АД ЕЛЕМ, а ја продава по цена од 525,55 евра за MW/h на албанската државна енергетска компанија КЕШ. Разликата во цена, односно заработката што ја прави оваа фирма само од оваа зделка од 6 дена изнесува 10 800 000 денари. Струјата од 337 евра по мегават-час можела да биде продадена на домашното стопанство, кое сега плаќа и повеќе од 2 пати повисока цена, или да биде продадена поскапо, а не двојно пониско од берза“,
Митева додава дека изјавите на власта дека струјата во ноќните часови е двојно поевтина е манипулација и прашува зошто албанската КЕШ ја купила истата струја од трговци по цена од 525,55 евра за мегават-час.