Преземени се сите чекори со цел интервенцијата да биде кратка и ефикасна и в понеделник блокот повторно да биде на мрежа, велат од ЕСМ
Блок 1 на РЕК „Битола“ од ноќеска на полноќ е од електроенергетскиот систем.
„Се работи за планско исклучување заради санација на кондензаторот и на дел од цевководниот систем во постројката. Преземени се сите чекори со цел интервенцијата да биде кратка и ефикасна и в понеделник блокот повторно да биде на мрежа“,
соопштуваат од АД ЕСМ.
Исклучувањето на блокот е планирано за време на викендот заради вообичаено намалената потрошувачка на електрична енергија во овој период од седмицата.
Електричната енергија од Блок 1 на РЕК „Битола“, АД ЕСМ велат дека ќе се надомести со зголемување на производството во останатите постројки, како и со набавката на струја за која компанијата има веќе склучен договор до 20 ноември.