Во септември минатата година тој понуди да посредува со цел да се реши кризата околу нуклеарната централа „Запорожје“. Анкара испрати беспилотни летала во Киев, но турската влада одби да се приклучи на западните санкции против Русија
Турскиот претседател Реџеп Таип Ердоган во телефонски разговор со рускиот претседател Владимир Путин повика на „праведен мир“ во Украина, соопшти кабинетот на турскиот претседател на првата годишнина од руската инвазија.
„Претседателот Ердоган ја нагласи потребата да се постигне праведен мир со цел да се избегне понатамошна загуба на човечки животи и уништување“,
се вели во кратката изјава.
Од почетокот на руската инвазија на Украина, Ердоган се обидува да балансира меѓу Киев и Москва.
Во септември минатата година тој понуди да посредува со цел да се реши кризата околу нуклеарната централа „Запорожје“. Анкара испрати беспилотни летала во Киев, но турската влада одби да се приклучи на западните санкции против Русија.
Турскиот претседател неколкупати се сретна со Путин, а е во редовна комуникација и со украинскиот претседател Володимир Зеленски.
Ердоган разговараше и со Макрон
Ердоган во петокот телефонски разговараше со францускиот претседател Емануел Макрон, кој му рече дека е неопходно „да се зајакне притисокот и изолацијата на Русија“ за таа да се „откаже“ од својата агресија врз Украина.
„Во оваа смисла, шефот на државата го истакна предизвикот за борба против какво било заобиколување на наметнатите санкции“,
информираат од Елисејската палата.
Тој исто така рече дека „приоритет треба да биде да се зајакне поддршката за Украина за да ѝ се овозможи да победи против Москва.
„Претседателите Макрон и Ердоган „ја повторија својата непоколеблива посветеност на суверенитетот и територијалниот интегритет на Украина и разговараа за корисните активности што би можеле да ги преземат за доброто на цивилното население и во корист на враќањето на мирот, што ќе се постигне со целосна почит на легитимните права на Украина“,
се вели во соопштението од кабинетот на францускиот претседател.
Од почетокот на војната, шефот на француската држава тврди дека треба да продолжи да разговара со Русија и да размислува за условите за идните преговори меѓу Москва и Киев.