Вакцината со две дози, базирана на новата мРНА-технологија, произведува силен имунолошки одговор кај деца на возраст од пет до 11 години, покажа клиничкото испитување на 2 268 учесници, објавија компаниите минатиот месец
Европската агенција за лекови (ЕМА) соопшти дека ја оценува употребата на вакцината „Фајзер/Бионтек“ против ковид-19 кај деца на возраст од пет години
ЕМА објави дека ќе ги анализира податоците, вклучувајќи ги и резултатите од тековната студија, за вакцина дистрибуирана под името „Комирнати“. Таа веќе е одобрена за деца над 12 години во САД и ЕУ.
Вакцината со две дози, базирана на новата мРНА-технологија, произведува силен имунолошки одговор кај деца на возраст од пет до 11 години, покажа клиничкото испитување на 2 268 учесници, објавија компаниите минатиот месец.
Минатата недела, „Фајзер/Бионтек“ достави податоци за употреба кај деца на помала возраст.
Покрај вакцинирањето на децата, регулаторот и производителите на вакцини размислуваат за дополнителни дози за ранливите групи и ја нагласуваат потребата од зајакнување на производството и проширување на пристапот до вакцината за што е можно повеќе луѓе.
ЕМА, исто така, објави дека одобрила две нови производствени локации во италијанските градови Монца и Анагнија.
Двете локации ќе произведат до 85 милиони дополнителни дози за ЕУ во 2021 година, рече регулаторот. „Фајзер/Бионтек“ се најголемите снабдувачи на Европската Унија со вакцината за ковид-19.