Агенцијата на Европската унија наведе дека давањето на третата, таканаречена „засилувачка“ доза, може да се дава најмалку шест месеци по втората доза, освен кај лица со ослабен имунолошки систем, кои можат да ја примат и 28 дена по втората доза
Европската агенција за лекови (ЕМА) денеска ја одобри третата доза на вакцината „Фајзер/Бионтек“ за лица на возраст од 18 години и постари.
Агенцијата на Европската унија наведе дека давањето на третата, таканаречена „засилувачка“ доза, може да се дава најмалку шест месеци по втората доза, кај лица од 18 години и постари.
ЕМА ја издаде препораката по проучувањето на податоците за вакцината „Фајзер-Бионтек“, која покажала зголемување на нивото на антитела по третата доза, ако се дааде околу шест месеци по втората, кај луѓе помеѓу 18 и 55 години.
Кога станува збор за луѓе со сериозно ослабен имунолошки систем, ЕМА изјави дека поддржува да се даде трета доза од вакцината „Фајзер-Бионтек“ или „Модерна“ најмалку 28 дена по втората доза.
Агенцијата наведе дека донела таква одлука затоа што истражувањата покажале дека дополнителна доза на вакцината ја зголемува способноста на човековиот организам да произведува антитела против коронавирусот, кај пациенти со трансплантирани органи, чиј имунолошки систем е ослабен.
Препораките на Европската агенција за лекови треба да ги одобри Европската комисија, а потоа и здравствените власти во секоја од 27 -те земји -членки на ЕУ, кои самостојно одлучуваат за стратегиите за вакцинација.
Некои земји -членки на ЕУ веќе почнаа да им даваат на граѓаните трета доза од вакцината.
Бројни студии покажаа дека вакцините „Фајзер-Бионтек“ и „Модерна“ силно штитат неколку месеци по примањето на втората доза, и со тоа во голема мерkа го намалуваат ризикот од хоспитализација и смрт.