Светската банка пред неколку дена објави дека привремено го суспендира објавувањето на извештајот „Дуинг бизнис“, поради, како што наведе, неправилности во извештаите од 2018 и 2020 година, кога Георгиева беше извршна директорка
Влијателниот економски магазин „Економист“ ја повика директорката на Меѓународниот монетарен фонд, Кристалина Георгиева, да се повлече од функцијата поради нејзината улога во скандалот со манипулации со податоци во извештајот „Дуинг бизнис“ поврзани со Кина, додека таа се уште беше во Светската банка.
Според весникот, тој скандал сега го поткопал влијанието на ММФ.
Лондонскиот магазин во жесток едиторијал истакнува дека наодите од надворешната истрага според која Георгиева извршила притисок врз службениците да ја сменат позицијата на Кина во рангирањето на „Дуинг бизнис“ во 2017 година, ја компромитираа способноста на ММФ да биде чувар на податоците за светските макроекономска статистика.
„Шефот на ММФ мора да биде непристрасен, додека двајца од неговите најголеми акционери, САД и Кина, се во спротивност едни со други во новата ера на геополитичко ривалство“,
пишува Економист, додавајќи дека критичарите на мултилатерализмот веќе се повикуваат на наодите како доказ дека меѓународните организации не можат да се спротивстават на Кина.
„Следниот пат кога ММФ ќе се обиде да игра улога на арбитер во валутен спор или да помогне во презакажувањето на долг на држава позајмена од Кина, критичарите на фондот сигурно ќе се повикаат на оваа истрага за да ја поткопа довербата во институцијата. Ете зошто Георгиева, почитуван службеник во неколку меѓународни институции, мора да поднесе оставка“,
се вели во уводникот на редакцијата.
Светската банка пред неколку дена објави дека привремено го суспендира објавувањето на извештајот „Дуинг бизнис“, поради, како што наведе, неправилности во извештаите од 2018 и 2020 година.