Магазинот смета дека Бајден ќе добие 421 глас од вкупно 538 во Изборниот колеџ, што би значело победа во битката против претседателот Доналд Трамп
Магазинот „Економист“ смета дека поранешниот американски потпретседател и кандидат на демократите за претседател, Џо Бајден, има 93 отсто шанса да победи на претседателските избори на 3 ноември.
Магазинот прогнозира дека Бајден ќе добие 421 глас од вкупно 538 во Изборниот колеџ, што би значело победа во битката против претседателот Доналд Трамп.
За победа се доволни 270.
Во однос на гласовите од граѓаните, „Економист“ смета дека тука процентот за победа на Бајден е 99 отсто.
Според магазинот, Трамп има 7 отсто шанси да освои мнозинство во Изборниот колеџ и само еден отсто шанса да добие повеќе гласови од граѓаните од Бајден.
Во десетте клучни држави што ќе го одредат победникот, Бајден има добро водство во седум од нив, а Трамп само во една.
Така, во Њу Хемпшир, Бајден води со 8 отсто, Минесота со 8 отсто, Мичиген со 7 отсто, Висконсин со 7 отсто, Невада со 6 отсто, Пенсилванија со 6 отсто, Флорида со 4 отсто, Аризона со 3 отсто и Северна Каролина со два отсто. Трамп води со два отсто само во Тексас.
Утре ќе се одржи последното соочување на двајцата кандидати, и тоа со нови правила.