Напаѓачот, како што објави Алсат, без никаков повод и причина, со остар предмет ѝ се заканувал по живот на новинарската екипа, а потоа и физички го нападнал снимателот нанесувајќи му повеќе повреди на различни делови од телото
Екипа на ТВ Алсат денеска била нападната во Старата скопска чаршија додека ги извршувала своите работни задачи. Двете новинарки и снимателот прво вербално, а потоа и физички биле нападнати од сопственик на една од продавниците во Старата чаршија.
Напаѓачот, како што објави Алсат, без никаков повод и причина, со остар предмет ѝ се заканувал по живот на новинарската екипа, а потоа и физички го нападнал снимателот нанесувајќи му повеќе повреди на различни делови од телото.
По нападот на телевизиската екипа, во чаршијата пристигнала и полицијата, но во меѓувреме напаѓачот ја затворил продавницата и заминал од местото на настанот.