Алиреза Акбари, Иранец кој имаше и британско државјанство, беше егзекутиран поради наводно шпионирање за странски сили.
Поранешниот заменик-министер за одбрана на Иран беше уапсен во 2019 година и осуден за шпионирање во корист на Велика Британија. На семејството на Акбари, кој имаше и британско државјанство, му беше дозволена последна посета пред извршувањето на смртната казна.
Британскиот премиер Риши Сунак егзекуцијата ја нарече „безобразен и кукавички чин, извршен од варварски режим“.
„Иранското раководство не ги почитува човековите права на сопствениот народ. Моите мисли се со пријателите и семејството на Алиреза“,
изјави Сунак.
Иранските медиуми, под контрола на државата, обајвија дека Акбари бил обесен, без да се прецизира кога е извршена егзекуцијата. Официјален Техеран опиша Акбари како еден од најважните агенти на британската разузнавачка служба во Иран. Иранските служби објавија видео запис на кој Акбари дава признание, кое наликуваше на принудена изјава, за своите дела. Но, персискиот сервис на Би-Би-Си во средата емитуваше аудио порака од Акбари во која тој вели дека бил мачен и принуден пред камера да ги признае злосторствата кои не ги извршил.