Една недела во Македонска Каменица нема регистриран нов случај на ковид-19, а активни се само четири и сите се во добра здравствена состојба. Четирите случаи беа регистрирани минатиот понеделник.
„Пациентите се без посериозни симптоми и во добра општа здрсвствена состојба. Надлежните продолжуваат со спроведување на мерките за заштита од вирусот, така што се надеваме дека ќе остане само на првичните четири случаи во Македонска Каменица“,
велат од здравствената станица во градот, пренесе МИА.
Првиот случај на коронавирус во Македонска Каменица се појави на 24 -ти минатиот месец кај странски државјавин кој престојува во градот и е со работно место во оваа општина. Од неговите контакти произлегоа уште три нови позитивни случаи, а по направените тестирања на новите контакти, бројот на позитивни пациенти во рударското гратче се задржа на четири пациенти.