Сообраќајот на магистралниот пат на релација Битола-Ресен е во целосен прекин од 20:45 часот и се пренасочува по стариот пат
Тешка сообраќајна несреќа се случила вечерва во непосредна близина на битолското село Братиндол, на магистралниот пат А3 Битола-Ресен, аво која едно лице го загубило животот, известуваат од СВР Битола.
Оттаму изјавија дека вечерва во 19.32 часот било пријавено дека на магистралниот пат Битола-Ресен, во близина над селото Братиндол, битолско, се случило сообраќајна незгода помеѓу патничко моторно возило марка „бмв” со ресенски регистарски ознаки управувано од Б.Н.(24) од селото Езерани, ресенско и сопатник К.Ш.(25) од село Царев Двор, ресенско и патничко возило „рено клио”со охридски регистарски ознаки управувано од Г.С.(50) од Охрид и сопатничка Н.С.(55) од Охрид.
Од страна на доктор во Клиничката болница во Битола, кај лицето Г.С. била констатирана смрт како последица од повредите, а кај сопатниците констатирани се повреди.
Увидот го врши увидната екипа на СВР Битола, а сообраќајот на релација Битола-Ресен е пренасочен по стариот пат.
Сообраќајот на магистралниот пат на релација Битола-Ресен е во целосен прекин од 20:45 часот и се пренасочува по стариот пат.