Во близина на Ростушки мост се судриле „хундаи акцент“ со скопски регистарски ознаки, што го управувал 68-годишен скопјанец кој починал на самото место и товарно возило со српски ознаки
Возач на автомобил го загуби животот во сообраќајна несреќа на регионалниот пат Маврови Анови-Дебар, додека три лица, кои биле сопатници во возилото, со тешки повреди се пренесени на скопските клиники.
Според информациите од СВР Тетово, сообраќајната несреќа се случила околу 16 часот на регионалниот пат Маврови Анови-Дебар, кога во близина на Ростушки мост се судриле „хундаи акцент“ со скопски регистарски ознаки, што го управувал 68-годишен скопјанец и товарно возило со српски ознаки, што го управувал 52-годишен српски државјанин од Панчево.
Од првичните информации на полицијата, во несреќата, возачот на патничкото возило починал на самото место, а тројца сопатници на возраст од 26, 30 и 34 години, пренесени се во Скопје.
На местото на несреќата увид вршат Јавен обвинител и екипа од ОВР Гостивар.