Еден работник загина, а четворица се водат како исчезнати по денешната експлозија во фабрика за хемиски отпадни материјали во западниот германскиот град Леверкузен.
Во инцидентот, кој се случи утрово, се повредени 16 лица, од кои четворица посериозно. Експлозија во во хемискиот комплекс „Кемпарк“ доведе до пожар во резервоар со растворувачи.
Гаснењето на пожарот мораше да се одложи се додека не се исклучи кабелот за електрична енергија, но набрзо започна, соопштија градските власти.
Експлозијата предизвика огромен облак од црн чад на небото. Германската федерална канцеларија за цивилна заштита и помош при катастрофи ја класифицираше експлозијата како „екстремна закана“ и побара од жителите да останат во своите домови и да ги затворат прозорците и вратите, јави ДПА.
Телевизијата „Ве Де Ер“ цитираше очевидци кои изјавија дека слушнале експлозија и виделе чад како се издигнува од објект на компанијата за хемиски и фармацевтски производи „Баер“.
EXTREME DANGER as a huge explosion is reported at the Bayer chemical plant in the German city of Leverkusen. Video emerging online shows plumes of (potentially poisonous) smoke rising from the building as nearby residents have been ordered to shut windows and doors immediately. pic.twitter.com/iVORzbY2Tg
— Tony (@_Mrtdogg) July 27, 2021
Полицијата во Леверкузен ангажира голем број свои екипи, а некои патишта се делумно блокирани за сообраќај, поради брза пристапност на службите за итни случаи.
