Антов во јуни го критикуваше нападот врз Украина и воздушните напади врз Киев ги нарече руски терор, пишува Дејли мејл, но набрзо се извини за таквите изјави. Тој рече дека неговиот коментар е недоразбирање и дека отсекогаш го поддржувал Путин и целите на неговата воена операција
Рускиот политичар, пратеник и мултимилионер Павел Антов, член на партијата на Путин, Единствена Русија, е пронајден мртов пред хотел во Индија по мистериозен пад од прозорец на хотелот, пишуваат британските таблоиди кои се повикуваат на индиски медиуми.
Тие пишуваат дека руски тајкун, сопственик на позната фабрика за колбаси, скокнал од покривот на хотелот и дека бил пронајден во локва крв. Неговиот индиски водич итно го однел во локална болница, но таму бил прогласен за мртов.
Антов бил на патување со тројца негови пријатели по повод неговиот 66-ти роденден. Медиумите пишуваат дека неколку дена претходно починал еден од неговите пријатели откако доживеал срцев удар. Тие додаваат дека не е исклучено Антов да се самоубил поради смртта на пријателот.
Смртта на Антов, во изјава за Тас ја потврдил рускиот конзул во Калкута, велејќи дека Антов паднал низ прозорецот на хотелот.
„Внимателно ја следиме истрагата“,
рекол конзулот.
Антов во јуни го критикуваше нападот врз Украина и воздушните напади врз Киев ги нарече руски терор, пишува Дејли мејл, но набрзо се извини за таквите изјави. Тој рече дека неговиот коментар е недоразбирање и дека отсекогаш го поддржувал Путин и целите на неговата воена операција.
Антов беше меѓу најбогатите руски политичари, два пати беше на листата на најбогати Руси на „Форбс“.